Жогорку Кенеш йиғилишида депутат Дастан Жумабеков рақамли ривожланиш вазири ўринбосари Нурсултан Кубановдан шахсий идентификация рақамини (ПИН) қачон ўзгартириш мумкинлигини сўради.
Унинг сўзларига кўра, ПИН кодни ўзгартириш фақат техник хатолик юз берган тақдирда рухсат этилади.
Жумабековнинг таъкидлашича, ПИН код берилганда аёлларга 1 рақам, эркакларга эса 2 рақам берилади.
Вазир ўринбосари қонунга кўра, жинсни ўзгартириш туфайли ПИН кодни ўзгартириш мумкин эмаслигини айтди.
«Ҳозирда туғруқхоналар билан ПИН кодларни бериш бўйича интеграция ишлари олиб борилмоқда. ПИН кодни ўзгартириш масаласи фақат фуқаронинг шахсий мурожаати ва ўзгартириш сабабларини батафсил ўргангандан кейингина кўриб чиқилиши мумкин», – деб жавоб берди у.
