Ер юзида G3 даражасидаги ўрта кучли магнит бўрони бошланди. Халқаро нашрлар бу ҳақда мутахассисларга таяниб хабар беришди.
Мутахассисларнинг фикрига кўра, магнит бўрони Ер юзига етиб келган плазма отилишлари натижасида юзага келади.
Уларнинг таъкидлашича, бўрон тахминан бир кун давом этади, аммо эртага у ўзининг асосий фазасига кириб, янада кучли геомагнит жараёнларни келтириб чиқариши мумкин.
Магнит бўрони юрак-қон томир касалликларига чалинган одамларга таъсир қилиши мумкин.
