2025-2026 ўқув йилидан бошлаб мамлакатзнинг барча давлат ва шаҳар таълим муассасаларида “Кундалик” автоматлаштирилган ахборот тизими (ААТ) ишга туширилди.
Таълим вазирлигидан маълум қилишларича, ушбу тизим таълим ташкилотларида маълумотларни ҳисобга олиш, таҳлил қилиш ва сақлаш жараёнларини автоматлаштиришга қаратилган. Унинг асосий мақсади таълим жараёнини бошқариш самарадорлигини ошириш, шаффофликни таъминлаш ва қоғоз ҳужжат айланишини қисқартиришдан иборат.
“Кундалик” ААТ нинг асосий вазифалари қуйидагилардан иборат:
– Ўқувчилар ютуқларини электрон форматда сақлаш;
– дарс мавзуларини белгилаш, уй вазифаси ва назорат ишлари;
– дарсга қатнашиш ва интизом тўғрисидаги маълумотларни рўйхатга олиш;
– ўқувчиларнинг электрон шахсий файлини юритиш;
– ўқитувчининг иш юкини ва дарсларнинг автоматлаштирилган жадвалини яратиш;
– ота-оналарни ўқувчиларнинг ютуқлари, дарсларга қатнашиши ва дарс жадваллари тўғрисида хабардор қилиш;
– статистик ва таҳлилий ҳисоботларни ишлаб чиқиш.
Шуни таъкидлаш керакки, «Кундалик» ААТ ўқитувчилар, ўқувчилар ва ота-оналар учун бепул.
