Қирғизистонда 1 октябрдан бошлаб пенсия оширилгандан кейин энг кам пенсия миқдори 7500 сомни ташкил қилади. Бу ҳақда Ижтимоий жамғарма вакили Жилдиз Кулжанова “Биринчи радио” эфирида маълум қилди.
1 октябрдан бошлаб ўсиш қуйидагиларга таъсир қилади:
суғурта қисми 50 000 сомдан ошмайдиган пенсиялар – улар 1,10 коэффициентга, лекин 600 сомдан кам бўлмаган миқдорда оширилади (суғурта қисмини оширишнинг энг кам чегараси);
суғурта қисми 50 000 сомдан ошадиган пенсиялар – индексация 5 000 сомдан ошмайди (суғурта қисмини оширишнинг максимал чегараси).
Кулжанованинг қўшимча қилишича, белгиланган энг кам пенсия миқдори 7500 сом миқдорида ногиронлик ва бошқа сабабларга кўра тўлов оладиган шахсларга нисбатан қўлланилмайди.
